A ranar Lahadin da ta gabata ne aka kama wani mutum a karamar hukumar Jos ta Arewa a jihar Filato bayan gano gawar wata mata da ake zargin an yi mata fyade ta mutu har lahira a kusa da tashar Harris Filling Station da ke Farin-Gada.
Wani ganau, wanda ya shaidawa jaridar The Nation, ya ce gano gawar ta haifar da tashin hankali a yankin yayin da mazauna yankin da dalibai suka gudanar da zanga-zangar.
Sai dai jami’an tsaro sun yi musu turjiya, inda suka isa wurin kafin abin ya kure.
An tattaro daga wani shaidan gani da ido ya bayyana cewa matar mai suna Ruth an same ta ne rabin tsirara tare da kasan rigar da ke rataye a kafafunta, wanda ke nuni da cewa anyi mata fyade.
“Kamfanin matar na rataye a kafafunta, lamarin da ke nuni da cewa an yi mata fyade ne, kafafunta sun yi kura, wannan ya nuna cewa an yi ta fama ko kuma watakila an yi mata fyade a wani wuri aka jefar da gawarta a wajen, ita ma an caka mata wuka.
“An gano cewa tana zaune ne a Zaruma a Farin-Gada, kuma kwanan nan ta sami aiki a Rayfield K. Tana dawowa daga aiki a ranar Asabar da yamma da karfe 8 na dare, ta samu labarin cewa ta gamu da ajalin ta a hannun wadannan marasa gaskiya. “
Wani labarin kuma ya ce matar ta samu rashin jituwa da saurayin nata, dan kungiyar asiri, wanda aka ce ya kashe tare da jefar da gawar.
An kuma tattaro cewa ‘yan bata-gari sun yi amfani da damar zanga-zangar inda suka far wa ‘yan kasuwar da ba su ji ba ba su gani ba a kasuwar tumatur. Farin Gada kafin jami’an tsaro su shiga tsakani.
Sai dai mai magana da yawun jihar Filato, DSP Alfred Alabo, wanda ya tabbatar da faruwar lamarin, ya ce ‘yan sanda sun fara gudanar da bincike kan lamarin.
Rahoto Shamsu S Abbakar Mairiga.
