An yankewa sojan Nijeriya hukuncin rataya bisa kamasa da laifin kashe abokan aikinsa.
Wani Soja Zai Mutu Ta Hanyar Rataya Da Kashe Abokin Aikinsa Da Wasu A Borno.
Kotun Sojan Najeriya ta 7 ta yanke wa wani soja mai suna Private Musa Saleh hukuncin kisa ta hanyar rataya bisa samunsa da laifin kashe abokin aikinsa a garin Mafa na jihar Borno.
Saleh wanda ake shari’a kan tuhume-tuhume hudu da suka hada da kisan kai, kai hari da kuma yunkurin kisa, ya ki amsa tuhumar da ake masa.
Sai dai kotun soji karkashin jagorancin Brig.-Gen. Richard Pam ya ce ta kafa tuhume-tuhumen da ake yi wa sojan da ke aiki da bataliyar Task Force Battalion ta 112 da ke Mafa, sannan ta gano cewa ya kuma kashe wasu mutane biyar da ba su ji ba ba su gani ba, ya yi sanadin jikkatar wasu da dama.
Lauyan mai gabatar da kara ya kira shaidu 6 tare da gabatar da shaidu 11 don tabbatar da tuhumar yayin da lauyan wanda ake tuhuma ya kira sojan da ake tuhuma a matsayin shaida tare da gabatar da baje koli guda daya.
Brig.-Gen. Pam ya ce bayan da aka yi nazari sosai kan shaidun da aka mika wa kotun soji, an gano cewa an keta dokokin da aka tsara.
