Mutane da dama sun bace sakamakon farmakin da wasu ‘yan bindiga suka kai a kauyen Rimi da ke gundumar Duguri a karamar hukumar Alkaleri ta jihar Bauchi kwanan nan, inda suka kashe mutane 17.
Sama da gidaje 60 aka ce sun lalace yayin da daruruwan mutane suka kaurace ma gidajensu zuwa makwabtan jihohin.
An ce harin ya faru ne a ranar Juma’ar da ta gabata da misalin karfe 4 na yamma bayan sallar Juma’a. An ce ‘yan bindigar sun tsere ne kafin isowar jami’an tsaro
Da yake tabbatar da faruwar lamarin ga wakilin The Nation a wata tattaunawa ta wayar tarho a jiya, Shugaban kungiyar matasa ta kasa reshen Alkaleri, Bala Mohammed Duguri, ya ce ‘yan bindigar sun far wa al’ummar garin kan babura da dama.
Jaridar The Nation ta tattaro cewa ‘yan bindigar sun yi amfani da wani katon dajin na Yankari Game Reserve, kusa da Rimi, wanda suke amfani da shi a matsayin maboya.
Ya ce: “Ya faru ne a ranar Juma’a da misalin karfe 3 bayan sallar Juma’a.
“’Yan bindigar da ke kan babura da dama sun mamaye unguwar Rimi da ke kusa da gandun daji na Yankari da manyan makamai suna bin mutane.
An lalata amfanin gonaki. Da yawa sun bace yayin da wasu ke kokarin guduwa. Ba za mu iya cewa wannan shi ne takamaiman adadin wadanda suka bace saboda wasu sun tsere zuwa makwabtan jihohin kamar Gombe, Filato da Taraba.”
Sabanin rahotannin da ke cewa ‘yan bindigar sun kai farmaki cikin sabuwar unguwar da aka gano mai, dan majalisa mai wakiltar mazabar Pali/Alkaleri, Yusuf Muhammad Bako, wanda ya zanta da jaridar The Nation, ya ce an kai harin ne a unguwar Rimi da ke da tazarar kilomita 80 daga Barambu. Filin mai na Kolmani yana nan.
Bako, tsohon shugaban karamar hukumar Alkaleri da ke jihar Bauchi, Alhaji Yusuf Garba, ya shaida wa wakilin The Nation shi ma a wata hira ta wayar tarho cewa, ba a samu labarin irin wannan harin ba a yankin mai ya kara da cewa wuraren da masu garkuwa da mutane ke kai hare-hare sun hada da Gwana, Rimi da gundumomin Mansuru.
Rahoto: Kamal Aliyu Sabongida.
