Ganduje ya bukaci malamai su yi masa addu’a don mika mulki cikin lumana.
Gwamnan jihar Kano, Abdullahi Ganduje, ya bukaci malamai da su gudanar da addu’o’i na musamman a ranar Juma’a domin mika mulki cikin lumana da kwanciyar hankali ga gwamnati mai zuwa a jihar.
A cewar wata sanarwa da kwamishinan yada labarai da harkokin cikin gida,Ganduje, Muhammad Garba ya fitar a ranar Juma’a, ya bukaci malamai da su gudanar da addu’o’i na musamman domin mika mulki cikin lumana da kwanciyar hankali ga gwamnati mai zuwa a jihar.
Gwamnan ya kuma yabawa al’ummar jihar bisa goyon bayan da suke baiwa gwamnatin sa, wanda hakan ya ba da damar aiwatar da shirye-shiryen ci gaba a yabawa. Ya kuma jaddada bukatar kara hada kan manufofin da ke tabbatar da zaman lafiya a jihar ta hanyar addu’a.
Ku tuna cewa Alhaji Abba Yusuf na jam’iyyar New Nigeria People Party ya lashe zaben jihar Kano, inda ya doke dan takarar jam’iyyar All Progressives Congress, Nasiru Gawuna. A ranar Litinin ne za a rantsar da Yusuf a matsayin sabon gwamna.
A ranar Larabar da ta gabata ne Ganduje ya mika wa Yusuf rahoton mika mulki na 2023 a yayin wani takaitaccen taro da aka yi a gidan gwamnatin Kano da ke dakin taro na Ante Chamber. Gwamna Ganduje wanda sakataren gwamnatin jihar Alhaji Usman Alhaji ya wakilta, ya jaddada aniyar sa na ganin an mika mulki ba tare da wata matsala ba.
Gwamna Ganduje ya bukaci gwamnati mai jiran gado da ta yi nazari sosai kan rahoton mika mulki tare da bayar da ra’ayi kan duk wani bangare da ke bukatar gyara. Ya kuma nuna jin dadinsa ga mambobin kwamitin mika mulki na gwamnati da suka fitar da kundila uku na rahoton wanda ya shafi dukkan sassan jihar.
Rahoto: Kamal Aliyu Sabongida
