Ganduje ya mika rahoton mika mulki ga zababben gwamnan Kano
Gwamnan jihar Kano mai barin gado Abdullahi Ganduje a ranar Laraba ya gabatar da rahoton mika mulki na shekarar 2023 ga zababben gwamnan jihar Kano, Abba Yusuf.
A yayin wani dan takaitaccen taro da aka gudanar a gidan gwamnatin Kano, dakin taro na Ante Chamber, Ganduje, wanda sakataren gwamnatin jihar, Alhaji Usman Alhaji ya wakilta, ya jaddada aniyarsa na ganin an samu sauyi cikin kwanciyar hankali a ranar 29 ga Mayu, 2023.
Har ila yau, ya bukaci gwamnati mai jiran gado da ta yi nazari kan rahoton mika mulki tare da nuna masu launin toka, inda ya dace, kamar yadda ya yaba wa mambobin kwamitin mika mulki na gwamnati da suka samar da kundila uku na rahoton, wanda ya kunshi dukkan sassan jihar.
A nasa jawabin, zababben gwamnan jihar Kano, Abba Kabir Yusuf, wanda ya samu wakilcin shugaban kwamitin mika mulki na jam’iyyar New Nigeria People’s Party, Dr Abdullahi Baffa Bichi ya bayyana cewa kwamitinsa zai kai rahoto ga gwamna mai jiran gado tare da bayyana abubuwan da suka lura da su. idan akwai.
“A wannan lokacin, muna da sa’o’i 105 kacal don mika mulki a jihar Kano a hukumance, don haka, mun himmatu wajen ganin mun kawo karshen cikas domin amfanin mutanen Kano nagari,” in ji Yusuf.
Hakazalika, a cikin wata sanarwa da Sanusi Bature Dawakin Tofa, babban sakataren yada labarai na gwamnan Kano, ya fitar, ya bayyana cewa za a bai wa al’umma cikakken bayani game da bikin kaddamarwar, dangane da wasu yarjejeniyoyin da za a cimma tsakanin gwamnatoci masu barin gado da masu jiran gado.
Rahoto: Kamal Aliyu Sabongida
