Gwamnar Legas zai ciwo bashin biliyan 350 domin yin kasafin kuɗi

Sanwo-Olu Zai Ciyo Bashin Biliyan 350 Domin Kasafin Kasafin Kudin 2023.

Gwamnan jihar Legas, Babajide Sanwo-Olu a ranar Alhamis ya bayyana cewa jihar za ta ciyo bashin Naira biliyan 350 don samar da kasafin kudin shekarar 2023.

Gwamnan ya gabatar da kasafin Naira Tiriliyan 1.69 ga Majalisar Dokokin Jihar domin amincewa da kasafin kudin shekarar 2023.

Kasafin na kasa ne kuma za a yi shi ne ta hanyar rance, wanda ya kai Naira biliyan 350.

A halin yanzu, bashin cikin gida na Legas a watan Yunin 2022, a cewar ofishin kula da basussuka (DMO) ya kai N797,305,312,602.53, yayin da bashin kasar waje ya kai dalar Amurka biliyan 1.27 (N555.828bn), wannan ya sanya jimillar basussukan jihar ya kai Naira tiriliyan 1.35.

Sai dai a yayin gabatar da kasafin kudin na 2023 mai taken: ‘Kasafin Ci gaba,’ Gwamnan ya ce ya kunshi Jimillar Kudaden Harajin da aka samu na N1,342,670,649,640 da kuma Kasafin Kudi na N350,000,000,000.

Kasafin kudin ya kunshi jimillar kudaden shiga na cikin gida (IGR) na N1,108,435,649,640 da kuma jumullar kudaden da gwamnatin tarayya ta mikawa N234,235,000,000.