Kungiyar IPOB ta tayar da kura kan shirin kashe Mazi Nnamdi Kanu.
Kungiyar masu fafutukar kafa kasar Biafra, IPOB, ta koka kan shirin kawar da shugabansu Mazi Nnamdi Kanu ta hanyar amfani da guba, shan miyagun kwayoyi, da yunwa.
Kanu, wanda a halin yanzu yana tsare a hannun hukumar tsaron sirri ta gwamnatin Najeriya DSS, ana zargin yana mutuwa ta hanyar shiru da tsari na yunwa a hankali.
Da take tada jijiyar wuya a ranar Juma’ar da ta gabata, kungiyar ta hannun Sakatariyar yada labaranta, Emma Powerful ta bayyana cewa yanzu Kanu na ciyar da biredi da ruwa sau biyu a rana ba tare da magani ba domin jinyar ciwon da yake fama da shi a lokacin da yake dakin killace kansa na DSS a Abuja.
Kungiyar ta yi gargadin cewa kada Kanu ya mutu a hannun DSS, inda ta kara da cewa idan ya mutu a hannunsu to hakan zai haifar da wani sakamako mara misaltuwa.
Shugaban kungiyar ta IPOB ya kuma yi zargin cewa an saka wa shugabansu guba, kuma ana barinsa ya mutu sannu a hankali.
“Rundunar ‘yan sandan sirri na son kawar da Mazi Nnamdi Kanu ta hanyar yin shiru da tsare-tsare na yunwa a hankali na ba shi biredi da ruwa sau biyu a rana da kuma shan muggan kwayoyi ta hanyar ba shi isassun magunguna na rashin lafiyar da aka san shi a lokacin da suke a gidan yari da ke Abuja.
Kanu ya yi korafin bacin rai cewa yana mutuwa a hankali. Ya kuma koka da kakkausar murya cewa hukumar DSS ta yi masa ta’ammali da miyagun kwayoyi domin ana ba da magungunan da ake bukata na tsawon makonni biyu na kwanaki 8 kacal.
“Ya koka da cewa ba a ba shi damar ganin likita ba tun sati na biyu na Disamba 2022 kuma DSS ta ki kai shi wurin likita duk da tabarbarewar lafiyarsa. Ya ce yana jin gabobinsa sun yi mugun tasiri, amma duk da haka, hukumar DSS ta ki kai shi asibiti. Ya kuma koka da jin zafi da sautin kunnen sa na hagu inda aka azabtar da shi a Kenya kafin a tasa keyar shi zuwa Najeriya.
RAHOTO -ZUBAIDA ALI TARABA.
