Matatar Dangote Ta Nuna Afirka Ba Nahiyar Talauci Ba Ce – Shettima
Mataimakin shugaban kasa mai jiran gado, Kashim Shettima, ya ce matatar man Dangote ta nuna cewa Afirka ba yankin talauci kadai ba ce.
Shettima ya bayyana haka ne a wajen kaddamar da matatar man Dangote a Ibeju-Lekki, Legas, ranar Litinin.
A yayin jawabinsa a wajen kaddamar da matatar, dan siyasar ya bukaci sauran ‘yan kasuwa a kasar nan da su yi koyi da Dangote.
Ya ce, “Ina yabawa kuma ina yabawa gwamnati da jama’ar jihar Legas bisa samar da yanayi mai kyau na ganin wannan aiki ya tabbata.
“Wannan aikin ya faro ne tun a shekarar 2017 lokacin da shugaban kasa Muhammadu Buhari ke jagorantar al’amuran wannan kasa mai girma kuma aka kammala shi a karkashin jagorancin sa.
“Ina so in tabbatar wa kungiyar Aliko Dangote cewa gwamnati mai zuwa za ta yi duk mai yiwuwa don kiyayewa da kuma dorewar tsawon wannan aiki.
“Ba wai Afirka ba ce take da matsalan rashin tsaro da rikice rikice, Ina fatan CNN, BBC, da Sky News na wannan duniya za su kasance a kusa da su ba da cikakken bayani kan wannan aikin.”
Katafaren matatar man Dangote yana a unguwar Lekki Free Zone a Legas. Matatar mai ita ce mafi girma a Afirka kuma ita ce babbar matatar jirgin kasa guda daya a duniya.
Rahoto: Kamal Aliyu Sabongida
