Samuel Ortom Ya Shaki Iskan Yanci Bayan Shafi Awannin A EFCC.
A halin yanzu Hukumar EFCC ba ta rike da Samuel Ortom wanda ake tunanin ana binciken shi
Bayan fiye da sa’o’i 10 ya na amsa tambayoyi domin a ji dadin bincike, ‘dan siyasar ya koma gida
EFCC ta yi gum har zuwa yanzu, ba za a iya cewa ga abin da ya kai Ortom hedikwatar ta ba
Maganar da ake yi, Samuel Ortom yar bar hannun jami’an hukumar EFCC mai yaki da masu yi wa tattalin arzikin Najeriya zagon-kasa.
Vanguard ta ce tsohon Gwamnan ya shaki iskar ‘yanci Ranar Talata ne bayan da ya dauki sama da awanni 10 a ofishin EFCCa dalilin gayyatarsa da aka yi.
Samuel Ortom ya amsa tambayoyi game da abubuwan da su ka faru a lokacin ya na Gwamna, ya yi mulki na shekaru takwas daga 2015 zuwa 2023.
Bayan tsawon lokaci ya na tsare a ofishin hukumar da ke Makurdi a jihar Benuwai, da kimanin karfe 7:55 aka hangi tsohon Gwamnan ya fice a mota.
A daidai lokacin da ya fito, abokan siyasa da magoya baya sun tare a wani otel su na sauraronsa. An ce ‘dan siyasar ya fice ne a wata mota kirar ‘SUV’
Daily Post ce Hadimin tsohon Ministan, Terver Akase ya fitar da jawabi dazu inda ya ce zargin cewa hukuma ta cafke mai gidansa ba gaskiya ba ne.
Mista Akase ya ce EFCC ta gayyaci Ortom ne, shi kuma ya amsa goron gayyatar. Shi dai tsohon Gwamnan bai fito ya yi wata magana da bakinsa ba.
Tsohon Gwamnan ya saba fada cewa a shirye yake da ya amsa tambayoyin masu bincike domin bai da abin da zai boye game da lokacin mulkinsa.”
Duk da ana ta bada sanarwa iri-iri a kan cafke wadanda ake zargi da laifi, zuwa yanzu babu jami’in EFCC da ya fito ya yi karin-haske a kan lamarin.
A cikin tsofaffin Gwamnonin da su ka bar ofis, na jihar Benuwai aka fara tsarewa. Babu mamaki nan gaba binciken ya shafi tsofaffin abokan aikinsa.
Rahoto Zuhair Ali Ibrahim.
