Zamu Saukake Hauhawan Farashin Man Fetur Kamar Abiola Da Yar Aduwa – Tinubu
Bola Ahmed Tinubu ya yi jawabi inda ya yi maganar wahalar da ake ciki bayan janye tallafin fetur
Sabon Shugaban kasar ya nuna cewa zai karkata wajen inganta jin dadi da rayuwar ‘Yan Najeriya
Mai girma Tinubu ya na ganin Mashood Abiola ya yi shahadar siyasar ne a yayin kare damukaradiyya
Bola Ahmed Tinubu ya jinjinawa a kan Marigayi MKO Abiola wanda ake kyautata zaton ya na kan hanyar lashe zaben shugaban kasa a 1993.
Punch ta rahoto Shugaba Bola Ahmed Tinubu ya na bayyana Mashood Kashimawo Abiola wanda ya mutu a gidan yari a matsayin ayar damukaradiyya.
Da yake magana, Shugaban kasan ya yarda mutanen Najeriya su na shan wahala a sakamakon tashin da farashin man fetur ya yi saboda janye tallafi.
Bola Tinubu yake cewa gwamnatinsa za tayi wa al’umma sakayya ta hanyar gagaruman ayyukan more rayuwa a bangarorin sufuri da kuma ilmin zamani.
Shugaban ya ce gwamnatin tarayya za ta maida hankali wajen samar da isasshen wutar lantarki, kiwon lafiya da sauran abubuwa na jin dadin rayuwa.
Tinubu yake cewa ya fahimci wahalar da ake sha, amma ya ce ba za a dawwama a wannan hali ba, ya kara da cewa janye tallafin fetur din ya zama dole.
Rahoton ya ce Shugaba Tinubu ya jinjinawa Maraigayi MKO Abiola wanda ya kira shahidi a siyasa da ya mutu domin ganin wanzurwar damukaradiyya.
Na fahimci wahalar da ku ke sha. Matakin ya zama dole domin a ceci kasar mu, mu karbe dukiyoyin Najeriya a hannun wasu tsirarrun marasa kishi.
Za mu iya tunawa da sadaukar da kai da shahadar Cif MKO Abiola, wanda ya yi nasara a zabe, amma sai aka soke zaben saboda mugun zalunci.
Ya sadaukar da rayuwarsa wajen kare ginsikan damukaradiyya yadda mazaje da kuma matan kasarsa su ka zabe shi a matsayin shugaban kasarsu.
Shugaban ya kuma yabi mutane irinsu Kudirat Abiola, Alfred Rewane da Manjo Janar Shehu Yar’Adua wanda ya ce sun mutu a kan tafarkin nan.
Rahoto Zuhair Ali Ibrahim
